Etxeberria eta Olaizolako sagardoa eta Ameztoiko txakolina probatzeko plana

Goizuetako Umore Ona elkarteak hainbat ekintza an­to­latu ditu apirilean zehar. Hain zuzen, Astigarragako Etxe­berria eta Hernaniko Olai­zola sagardotegietan afariak antolatu dituzte bertako sagardoak probatzeko eta Ge­tariako Ameztoi txakolindegian ere bai, bertako txakolina probatzeko. Etxeberria sagardotegira datorren ostiralean joango dira eta izena emateko gaur da azken eguna. Afaria 21:30etan izango da. Izena emateko: Zubi-Ondo ostatua, Amaia kafetegia edo Umore Ona elkartea.

Olaizolara eta Ameztoira joateko ere, izen ematea zabalik
Ameztoi txakolindegira apirilaren 21ean joango dira eta izena emateko epea zabalik da­go. Azken eguna apirilaren 15a izango da. Bertara joateko hitzordua goizeko 11:00etan jarri dute herriko plazan. Autobusez joango dira. Olaizola sagardotegira, be­rriz, apirilaren 27an, hilabeteko azken ostiralean joango dira eta izena emateko epea apirilaren 22ra arte egongo da zabalik. Kasu horretan ere, afaria gaueko 21:30e­tan izango da.