Zikuzulo elkartean, Zikuñaga auzoan, dauka tailerra Aitor Ruiz de Eguinok. Adarra magalean kokaturik, bertako abere, zuhaitz, landare, harri... izan ditu inspirazio-iturri Ruiz de Eguinok Aberemua deituriko erakusketa osatzen duten piezak sortzeko. Asteartean zabaldu zen erakusketa, baina gaur arratsaldeko 18:00etan egingo da inaugurazio festa. Miarritzeko Anne Broitman arte galerian dago ikusgai eta maiatzaren 26a bitartean egongo da zabalik.
Aluminioa, batez ere
Aberemua bilduma osatzeko, aluminioa erabili du gehienbat artistak: «metal argitsua, arina, aereoa, leuna, beroa iruditzen zait».
Material honi esker, «Adarra eremuan bizi diren abereen errepresentazio pertsonalak» sortu ditu, «nere munduko pertsonaiak prozesu industrialarekin uztartuz, bizia har dezaten.