Iñigo Legorburu irabazle Hendaian, 3garren maitasun gutunen lehiaketan

Mari Zozaikoa sorgina, Errenterian bizi izandakoa, da hain zuzen Legorburuk aukeratutako pertsonaia. Lo­gro­ñoko inkisizioak herio­tzara kondenatu duela eta, sorginak amalurrari egiten dion maitasun aitortza da gutunaren gaia. Lehiaketan aurkeztutako 15 lanen artean, lehenengo saria eskuratu du Legorbu­ruren Heriotza bezperatan gutunak. Epaile lanetan, Au­relia Arkotxa (Euskaltzain­diako lehendakariordea), Juan Mari Arzallus (itzultzaile eta filosofoa) eta Peio Urritza (Hendaiako ikastolako zuzendaria) aritu dira, eta parte hartzaileen euskara maila goraipatu dute. Bigarren saria Juan Karlos Merino azkoitiarraren Tximeleta lanak eskuratu du. Sari banaketaren ostean, Iñigo Legorburuk bere gutuna jendaurrean irakurtzeko aukera izan zuen, eta txalo zaparrada batekin erantzun zuten entzuleek. Jarraian, luntx batek eman zion amaiera ekitaldiari.