Laugarren etapan sartu da gaur Euskal Herriko txirrindularitza itzulia. Astelehenean hasi zen, Eibartik, eta Oñatin bukatuko da, larunbat honetan. Hernanitik pasako da gaur itzulia, arratsalde partean, eta Astigarraga aldera joko du segidan. Gaurko etapa Beran bukatuko da, Ibardingo gainean.
Galarretatik Mandazubira
Hernaniko Udaltzaingoak pasatako abixuaren arabera, Rekaldetik etorriko da itzulia, eta Galarretatik barrena Mandazubirako norabidea hartuko dute txirrindulariek.
Azken aurreikuspenen arabera, badirudi 15:10ak aldean sartuko dela tropela Hernanin, eta 2-3 minutu beharko dituela herria zeharkatzeko.
Bide-mozketarik ez
Udaltzainek adierazi dute ez dela aparteko bide-mozketarik izango, tropela pasako den momentuaz gain.