Herrira mugimenduak Hernaniko preso eta iheslarien aldeko Mus Txapelketa antolatu du eta parte hartu ahal izateko, apirilaren 15a baino lehen eman behar da izena Hernaniko Oindi, Aralar, Zumitza, Anboto edo Ekos tabernetan, Ereñotzuko elkartean eta Lizeagan dauden zerrendetan.
Izena emateko, bikoteko 20 euro ordaindu behar dira.
Bikote bakoitzak non jokatuko duen berriz, Kronikan bertan azalduko da, hilaren 19an. Txapelketa apirilaren 21ean jokatuko da, 15:30etatik aurrera.
Sari potoloak
Lehen zortzi bikote sailkatuentzako sariak ondorengoak dira: 8 petsonentzako otordua Oialume sagardotegian, eta txapelak; 4 pertsonentzako otordua Irubide jatetxean; arkumea, gazta eta 2 ardo botila; 2 txuleta eta 2 ardo botila; 2 mendiko makil eta poto, eta gazta; 2 mendiko poto, 2 esku pilota eta patxarana; 2 mendiko poto eta 2 esku pilota; 2 mendiko poto. Sari sorpresak ere zozketatuko dira partaideen artean.