Lurraldebus txartela bonifikazioekin erabili ahal izango da gaurtik aurrera Hernanin, herri barruko autobusean. Txartela 2007tik erabili daiteke autobus hauetan, baino txatel arrunt gisa. Hemendik aurrera txartel berezia ere erabili ahal izango dute haurrek, gazteek, adinekoek, ezinduek, sozialek eta famili ugariek; hala jakinarazi du Hernaniko Udalak Kronikara bidalitako prentsa oharrean.
Hitzarmenari esker
Bertan, jakinarazi dute, Udalak eta Diputazioak sinatutako hitzarmenari esker izango dela aukera hori, Hernaniko herri barruko autobusetan.
«Eskerrik asko Urgarden Urumea garbitzeagatik»
Urgardeneko kideak Urumeako ibai-ertzak garbitzen aritu ziren joan den asteburuan Hernaniko eta inguruko herrietako boluntarioekin. Udalak, Kronikara bidalitako prentsa oharrean, eskerrak eman nahi dizkie Karabelgo zubitik biaduktura doan tartea garbitzeagatik: «uholdeek ekarritako zikinkeriak kendu zituzten eta arduragabeek botatako hondakinak garbitu zituzten. Talde honek izan duen iniziatiba eta herritarren partehartzea garrantzitsuak dira gaur egungo gizarte indibidualista honetan. Zorionak».