Hernanik pauso garrantzitsua eman zuen atzo Bera Berari 35-20 irabazita. 15 puntuko aldea ez da erabakiorra, baina abantaila ederra da eta taldea itxaropentsu dago mailaz igotzeko. Atzokoa, Play Offeko errepeskako kanporaketako joaneko partidua izan zen. Orain, bueltako partidua jokatu beharko dute, Anoetan. Hori, apirilaren 15ean izango da. Eta irabazten duenak Ohorezko Mailako azkenari (Vigo edo Alcobendas) aurre egin beharko dio, mailaz igotzeko.
Eta bukatzeko... zigor entsaioa
Hernanik urduri jokatu zuen lehenengo zatia eta nahiko parekatua izan zen. 17-20, atzetik iritsi ziren atsedenaldira. Bigarren zatian, ordea, partiduari buelta ematea lortu zuten hernaniarrek. Nagusi izan ziren. 18 puntu lortu zituzten eta Bera Berak bat ere ez. Eta partidua ezinhobeto bukatzeko, zigor entsegua egin zuten.
Entsaioak, Arkaitz Otañok, Jon Otxotorenak eta Igor Etxeberriak egin zituzten. Igor Genuak, 4 entsaiotatik 3 gauzatu zituen eta 3 zigor kolpe lortu.
1.500 zaletu, Landaren
Jendetza bildu zen atzo ere Landaren. Denera, 1.500 zaletu izan ziren. Gehienak Hernani animatzera gerturatu baziren ere, tartean izan ziren Bera Berako jarraitzaileak.
15 puntuko aldearekin, itxaropentsu
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!