Hernaniko bi bikote gaur, final haundian

TRINKETEAN, Gipuzkoa­ko Txapelketa jokatuko da gaur arratsaldean Donostia­ko Gaska pelotalekuan, eta Hernanik bi bikoteren ordezkaritza izango du bertan. Jubeniletan, Leonet eta Murgiondok jokatuko dute final haundia; eta seniorretan, Esnal eta Esnaolak. Finalak 15:15etan hasiko dira, eta hernaniarren partiduak bigarrena eta hirugarrena izango dira. Partidu zaila, jubeniletakoa Jon Leonet eta Aritz Murgiondo hernaniarrek Urnietako Loitegi eta Lizasoren kontra jokatuko dute. Partidua zaila izango da, Loitegi mailako pelotaririk onenetakoa baita; sake gogorra du eta aldea nabarmena izaten da. Hernaniko bikoteak geroz eta hobeto jokatzen du, eta egun borobila badute, Urnietako bikotea gainditu dezakete. Seniorretan, Esnaola espezialista Senior mailan, bikote hernaniarra izango da faboritoa. Esnal eta Esnaolak jokatuko dute, Usurbilgo Mendizabal eta Catalinaren kontra. Her­naniko atzelaria, Esnaola, espezialista da trinketean eta hori nabaria izaten da pelotalekuan. Esnalek berriz, ez du esperientzia haundirik trinketean, baina pelotari beteranoa da eta betiko moduan, duen guztia emango du partidua irabazteko.