Itsaso Tolosa Euskal Herriko txapeldun, junior mailan

Joan den asteburuan, Euskal Herriko Neguko Absolutuen Txapelketa jokatu zen eta Itsa­so Tolosa igerilari hernaniarra (Buruntzaldea IKT taldea) txapeldun izan da 200 bizkar frogan, bere marka berdinduz. Junior mailan izan da txapeldun, eta absolutuan, hirugarrena. Beraz, urrezko eta bron­tzezko dominak lortu zituen. Horrez gain, 100 bizkar frogan txapeldunorde geratu zen. Be­re marka pertsonala ere segundo batean hobetu zuen 1’07’’36 eginez. 50 bizkar frogan ezin izan zuen bere marka hobetu, baina laugarren sailkatu zen eta 100 tximeleta frogan, ezin izan zuen bere marka hobetu. Tolosak Open Txapelketan hartuko du parte datorren as­te­buruan. Malagan izango da. Pastorrek saio ederra Buruntzaldea IKTko masterrek Zarauzko II Master Sarian parte hartu zuten asteburuan. Tartean zen Yoli Pastor hernaniarra eta hiru domina lortu zituen. 50 bizkar frogan F2 kategoriako bigarren postua lortu zuen 39’’94 eginez. 100 estiloak frogan ere bigarren geratu zen 1’27’’03 denborarekin eta 100 libre frogan, hirugarren 1’16’’63 markarekin. 4x50 estiloak errelebo mixtoan ere parte hartu zuen. Taldea 6garren sailkatu zen eta bizkar estiloan Pastorrek froga indibidualeko marka hobetu zuen 39’’22 eginez. Txapelketa bukatzeko, 4x50 libre erreleboan aritu zen emakumezkoen taldean eta bigarren geratu zen.