Gaur egungo heziketari buruzko hitzaldia, asteazkenean

Hernani Institutua bere Hez­kuntza Proiektua egiten ari da, «proiektu berria eta itxa­ropentsua, Hezkuntza Ko­mu­nitate osoaren ekarpenarekin», dio Kepa Zamalloa Insti­tu­tuko Ikasketa Buruak. Ekar­penez gain, pedagogiatik datozen gaur eguneko proposamenak ere kontuan hartu nahi dituzte eta hitzaldi bat antolatu dute asteazkenean. Violeta Nuñez Bartzelonako Uniber­tsi­­tateko, Hezkuntzako Teoria eta Historia Mintegiko irakasle titularra izango da hizlaria. Artisau-lanak eta teknologiak hezkuntzan: subjektu berriak izeneko hitzaldia emango du. Sandiusterrin izango da, arra­tsaldeko 18:00etan. Iaz, Ramon Flecha soziologoa eta Pere Pujolas pedagogoa izan ziren gonbidatuak.

Hezitzaileen erronkak eta ikasleen mugikortasuna
Gaur egungo hezkuntzari bu­ruz egiten duen irakurketaren berri emango du Nuñezek. Ba­tez ere, honako bi gai hauek izango ditu hizketagai: alde batetik, hezitzaileek gaur egun dituzten erronkak, hala nola, teknologi berriak, autoritate-guneak erortzea, subjektu be­rriak nagusitzea, ikasleek arreta galtzea... Bestetik, lan maila desberdinen arteko loturak eta ikasleen mugikortasunak du­ten garrantziaz ariko da. Mu­gikortasu­na, mugimendu gisa eta esperientzia ezberdin gisa ulertu behar dela dio Nu­ñezek.

Ibilbide luzeko irakaslea
Violeta Nuñezek Espainiar Estatuko Administrazio Pu­bli­koan hainbat eginkizun ditu: mintegiak, instituzio lagun­tzailea da, ikastaroak, hitzaldiak, gainbegiraketak, eta abar. Irabazi asmorik gabeko era­kun­deetan, lan-elkargoetan eta nazioarte mailetako erakundeetan ere parte hartzen du. Hego Ameriketan ere hainbat Erakunde eta Uni­ber­tsitateekin lan egiten du. Bere espezialitatean hainbat pertsonekin elkarlanean ari­tu da, eta bereziki nerabezaro eta haurren hezkuntza eta gi­za-arretari lotuta (giza-arazoak dituzten lagun-taldeetan). Ezaguna da ere Bartze­lonan diziplina-arteko ikerketa talde batean hainbat urtetan aritu izateagatik. Bertan pedagogia eta psikoanalisi disziplinetako partaideak zeu­den. Berak pedagogia ar­lotik parte hartu eta ekarpenak egiten zituen. Horren lekuko dira hainbat artikulu, liburu eta lankidetza. Bere jarrera esaldi honetan laburtu daiteke: «Garai berrietara egokitutako heziketa moduen gainean pentsatu behar da, heziketak berak dakarren eginkizuna alde batera utzi gabe».