Karabelgo bizilagunek prentsa oharra bidali dute Kronikara, eta bertan eskatzen dute, premizkoa dutela oinezko bide seguru bat, umeak Elizatxo ikastolara eraman ahal izateko. Bizilagunek diote, Udal taldearekin bildu direla, bai aurrekoarekin eta bai oraingoarekin, eta adierazi diela, oinezko bide hori egingo dela, Karabel eta Portuko urbanizazioak egiten direnean. Horren aurrean, bizilagunak keja dira, bitartean ume pila bat trenbideko andenetik joango delako ikastola. «Oinezko bide bat egiten duten bitartean, erremedio bat behar dugu, edo trenbide azpiko baratzetatik, edo oraingo bide ondotik. Edozer gauza, gure seme-alabak egunero ikastolara eramateko bide seguru bat. Egunen batean zerbait larria pasatzen bada, agian zerbait egingo dute».
«Lehengo kurtsoan, 3 urteko ume bat trenbidera erori zen»
Bizilagunek diote, egoera larria dela, egunero bizi dutena. «Trenbide ondotik joaten da ume pila bat Elizatxo ikastolara, horrek duen arrixku ikaragarriarekin. Lehengo ikasturtean, 3 urte ume bat trenbidera erori zen, eta bertan zeudenek atera zuten, trena etorri aurretik. Tren azkarrak pasatzean, gurasoek umeei heldu egin behar izaten diegu. Ama-aita askok 2-3 ume eramaten dituzte, eta sillarekin dijoazenek berriz, andena pasatzeko sekulako bildurra dute gurpilak tren karrilean trabatuta geratzen direlako».