28 kiloko pieza, pintxotan banatu du Tripontzi tabernak.

Ez da Urumean harrapatua, baina bai Kantaurin. 28 kiloko korbina edo berrugeta (Argyrosomus regius) ekarri zuten atzo Tripontzi tabernara, eta arratsaldean pintxo-festan banatu zuten, oso-osorik. Igor Muñoa nagusiak egin zituen partiketa lanak, eta sekulako ikusmina piztu zuen herritarren artean, arratsaldeko 18:30etatik aurrera (ostegunero izaten da pintxo festa). Ezaguna ez izan arren, haragi goxokoa da korbina, «lupiaren estilokoa» Muñoak dioenez. Arratsalde-pasa egiteko aitzakia behintzat jarri zuen atzo Tripontzik, bezeroen artean.