«Eskerrik asko erromerian parte hartu zenuten guztioi»

OTSAILEAN ekin zioten San Joan Konpartsako kideek, hilabetero erromeria antola­tzeari. Aurreneko erromeria hura Plaza Berrin egin zuten, eta jendetza bildu zen bertan. Bigarren erromeria berriz, lekuz aldatu zuten. Larunbatean egin zuten Tilosetan, eta Kronikari azaldu diotenez, partehartzea «ikaragarria» izan zen. Hori horrela, San Joan Kon­partsako kideek eskerrak eman nahi dizkiete parte har­tu zuten hernaniar guztiei, eta Euskal Herriko txoko ezberdinetatik etorri ziren guztiei. Gaineratu dute, hasitako bidetik jarraitzea espero dutela, eta hurrengo zitara animatu dituzte guztiak: apirilaren 14an, 18:30etan, Tilosetan (txarra egingo balu, Atsegindegin).