Malatu taldeak kontzertua emango du ostiralean, 20:45etan Biterin. Hernaniko Axeri taldeak antolatu du kontzertua, eta swing estiloko doinuak entzungo dira, jazz musikari oso ezagunen eskutik: Alberto eta Nando de la Casa (Ruper Ordorikarekin arituak), Laura Ortega eta Mikel Garcia (Potato eta Gasteiz Big Bang taldeetakoak), Txefe Ferroni (Kemen taldean ibilia), Luisja R.Barron, Inaxio Gabilondo...
Iturri asko eta estilo asko nahasten ditu Malatu taldeak: Mikel Laboaren kantu-modua du Gabilondok, jazza, latinoa, ekialdeko ijito-melodiak, Afrikako perkusioa... denak nahastuta, swing estiloko kontzertua entzungo da Biterin.