ATZOTIK, Alcañizen (Aragon) dago Iker Lujanbio hernaniarra, eta indarrean hasiko du denboraldia, Espainiako Autokross Txapelketan ari baita parte hartzen. Kar-Kross mailan ari da jokatzen Lujanbio, iaz bezala, beste 45 pilotorekin batera. Helburua, bat: iazko 12garren postua hobetzea.
Larunbat eta igande
Bi eguneko proba dute, Alcañizeko Motorland zirkuituan. Atzo goizean, kotxeak errebisatu zituzten; eta arratsaldean, berotu, entrenatu eta sailkapen manga bat egin zuten. Gaur goizean, bigarren sailkapen manga eta repeskak jokatuko dituzte; arratsaldean, finala.
Inork kapritxoa baleuka bertara joateko, ordutegia honakoa: gaur, 09:00etatik 16:00etara. Dohainik.
Iazko kotxea: Silvercar ST2, suspentsioa aldatuta
Iker Lujanbiok prest dauka dagoeneko kotxea, iazko berdina: Silvercar ST2 modeloa, hain zuzen. Aldaketa nabarmen bat egin dio hernaniarrak, suspentsioa. Ea ze emaitza ematen dizkion.