GAUR, goizez eta arratsaldez jokatuko da Lehendakari Sariko bigarren tiraldia, Ereñotzuko bolatokian. Parte hartzeko izen ematea Bolatokian bertan izango da, goizez, 10:00etatik 11:30etara, eta arratsaldez, 16:30etatik 17:30etara. Tiraldiak segidan jokatuko dira.
Martxoaren 4an, Zerainen jokatu zen Lehendakari Sariko lehen tiraldia, eta txapelketa apirilaren hasierara arte luzatuko da. Hernaniko bolariak martxa onean hasi dira.
Lehenengo emaitzak, onak
Hil honen hasieran jokatu zen Lehendakari Sariko aurreneko bola tiraldia. Josu Lazkano altzatarra izan zen lehen klasifikatua, 48 brilarekin. Baina bolari hernaniarrak ez ziren urruti ibili.
Puntuazio onena lortutako hernaniarra Ibon Miner izan zen, 47 brilarekin; lehen sailkatuarengandik brila bakarrera, beraz. Txapelketan parte hartu zuten gainontzeko hernaniarrek berriz, ondorengo emaitzak lortu zituzten: Miguel Burugainek 44 brila, Antonio Minerrek 39, M. Arrozpidek 38, eta azkenik, J. Ugaldek 36.