sagardoa aztertu du Azti Teknaliak, eta lortutako emaitzak atzo azaldu zituen prentsaurrean. Eusko Labela duten sagardoak beste sagardoekin konparatu ditu azterketan, eta hiru dira Labela ezberdin egiten duten ezaugarriak: txinparta hobea du, usaina intentsoagoa da, eta matiz gehiago ditu.
17 parametro izan dituzte kontuan
Azterketa egiteko garaian, Azti Teknaliak ikuspuntu sentsoriala, fisikoa eta kimikoa izan ditu kontuan. Analisia egin eta konparatzeko orduan berriz, 17 parametro erabili dituzte: begibistakoak, dastamenekoak eta entzumenekoak. Sagardoa aztertu dute hausten den momentutik, ahoan hartzen duen azken zaporeraino.
«Berezkoak eta ezberdinak diren ezaugarriak ditu»
Aztiren arabera, Label sagardoak orain arteko eskaintza zabaltzeaz gain, berezkoak eta ezberdinak diren ezaugarriak eman dizkio sagardoari: «hala, kalitate haundiagoko sagardo gisa identifikatuko da».