adnaren gaia dela eta, herritarrekin bilerak egiten aritu da Udala azken hilabeteetan. Bilera hauetan, hiru kexa nagusi izan ziren: ADNa, zakurrak aske ibiltzearena eta kakak jasotzearena. Hala, Plenoak, ADNaren puntua kentzea erabaki zuen Animalien Udal Ordenantzatik. Hala ere, badira bete behar diren hainbat neurri eta hori gogoratu nahi du Udalak, Kronikara bidalitako prentsa oharrean. Herritarrei gogoratu nahi die, zakurrak lotuta eraman behar direla leku publikoetan, eta kakak jaso egin behar direla. Horrez gain, jakinarazi dute dispentsadore gorriak kendu egingo dituztela, orain arte txakur kakak biltzeko poltsak zituztenak.
«Udaltzaingoari agindua, ordenantza betearazteko»
Oharrean gogorarazi dute, geroz eta gehiago direla zakurrak zaindu eta hauen gorotzak biltzen dituztenak. Hala ere, diote, bistan dela ez dela nahikoa: «edozein tokitan, zakur-kaka ugari dago: espaloietan, plazan eta bereziki parke eta berdeguneetan. Gune horiek denak baldintza higieniko eta sanitario onean egon beharko lukete». Araudia bete dadin, Udaltzaingoari agindu diote ordenantza betearazteko.