Buruntzaldeko agenda bateratua aurkeztu zuten asteazkenean Usurbilen, Buruntzaldeko herri komunikabideek eta Udalek, elkarlanean. Buruntzaldeko Udalek 2002an onartu zuten euskera egitasmoak elkarlanean ematea, eta ordutik hainbat arlotan aritu dira lanean: autoeskolak, euskaltegiak...
Herri komunikabideen arloari dagokionean, lan talde bat ari da lanean, udal eta herri komunikabideetako ordezkariek osatzen dutena. Elkarlan horren emaitza da, hain zuzen, www.buruntzaldea.org web orrian dagoen kultur agenda. Komunikabide bakoitzak bere web orriko agenda elikatzen du, eta honek era berean, Buruntzaldekoa.
Eskualdeko agenda
bateratua
Hortaz, agenda horretan ageri dira eskualde guztiko herriek dituzten kultur ekintzak. Hala, herritarrek,
Buruntzaldeko informazio guztia jaso dezakete. Gainera, ekintza motaren arabera ere kontsultatu daiteke, hala nola, antzerkia, zinea, kontzertuak...