Hernani Musika Eskolak azken 25 urtetako ibilbidearen balantzea egin, eta disko-liburu bat kaleratu du. Bertan, 1987-2010 bitarteko testigantza guztiak jasotzen dira, hiru ataletan banatuta. Disko-liburua gaur aurkeztuko dute, Udaleko areto Nagusian, Musika Eskolako abesbatzaren laguntzarekin. Bertan izango dira baita ere ikasleak, ikasle-ohiak, irakasleak... Liburua Hernaniko liburu dendetan egongo da salgai, 10 euroan.
Liburuan, sarrera, historia eta 300dik gora argazki
Liburu guztien antzera, hau ere sarrerako idatziekin hasten da: Marian Beitialarrangotiak, Joxan Goikoetxeak, Rikardo Mendiolak, Koro Etxeberriak eta Maravillas Diaz doktoreek idatzi dituzte. Eduki nagusia berriz, Iñaki Egurenek idatzi du: 25 urtetako ibilbidearen berri ematen du, hala nola, aurrekariak, gertaera ezberdinak, ikasleak, irakasleen eboluzioa, musika jarduera... Azkenik, hirugarren atala Juan Mari Beltranek egin du. Azken honetan, Beltranek aztertzen du euskal-herri-musikaren inguruan Hernaniko Musika Eskolak egindako lana eta aportazioa.
56 doinu biltzen dituen
diskoa
Musika Eskolaren testigantza onenak bertatik atera diren doinuak izanik, disko bat argitartzea ere erabaki zuten. 56 doinu biltzen ditu, lehengo eta oraingo ikasle eta irakasleenak.
Portada eta kontraportada, bereziak
Liburuaren azala Luis Errazkinek egin du lumaz marraztuta, eta Musika Eskolak Atzietan duen egoitza irudikatu du. Kontraportadan berriz, Gorka Tolosaren bertso batek ixten du liburua.