Txirrindulari txikienek hartuko dituzte larunbatean Hernaniko kaleak. JOCC taldeak lasterketa antolatu du, alebin eta infantil mailakoa eta bailarako txirrindulariek hartuko dute parte, tartean, JOCC taldekoek.
30 txirrindulari gazte,
partehartzaileak
Zirkuitua Ibarluze poligonotik herri barrura ekartzea erabaki dute aurten, eta egin beharreko bidea ondorengoa izango da: Urbieta, Marieluts, Latsunbe, Zinkoenea, Txirrita eta Urbieta. Bi lasterketa izango dira: alebinek, 5-6 kilometro egin beharko dituzte, zirkuitu horretan bueltaka; eta infantilek, 10 kilometro. Aurreneko lasterketa 16:30etan hasiko da.
Lasterketan 30 gaztek hartuko dute parte, Hernanitik Irun eta Hondarribia bitartekoak, eta kostaldetik, Hernani eta Zumaia bitartekoak.
Lasterketa dela eta,
trafiko mozketak
Udaltzaingoak jakinarazi duenez, lasterketa dela eta trafikoa itxi egingo dute, aldika, honako kaleetan: Urbieta, Marieluts, Latsunbe Berri, Latsunbe, Elkano, Orkolaga, Zinkoenea eta Txirrita.
Mozketak arratsaldeko 16:30etatik 17:30etara egingo dituzte, eta ordu horietan autoa erabili behar izanez gero, aurretik edo ondoren egitea gomendatzen dute.