Zenbat gauza pentsatzen ditugu segundu batean? Zeri egiten diogu kasu, pentsatzen dugunari edo sentitzen dugunari? Gaurko antzezlanean bizitzako eromen, kontraesan eta buruhausteak kontatuko dituzte, umore puntuarekin. Como como coco me descoco poco da antzezlanaren izena, eta Emakumeen Nazioarteko Egunaren harira antolatu dute. Biterin izango da, arratsaldeko 19:00etan hasita, eta sarrerak eskuratu nahi dituenak, ordubete lehenago pasa behar du bertatik; debalde dira.
Ostegunean da Emakumeen Nazioarteko Eguna, eta hauen eskubideak aldarrikatze aldera, antzerkia eta beste hainbat ekitaldi antolatu dituzte Hernaniko Txoko Feministak, Kafeta Feministak eta Berdintasun Kontseiluak. Leloa da, Eskubide zapalketari zaplasteko feminista!.
Marijira eta hitzaldia, egunean bertan
Martxoaren 8rako Marijira eta hitzaldia antolatu dituzte. Marijira Plaza Berritik abiatuko da, 19:30etan, eta ondoren, triki-bertso-poteo feminista egingo dute herrian barrena.
Ordu berean, Ereñotzuko Olak auzo elkarteak antolatuta, Euskal kultura: Eredu matrilineala hitzaldia emango du Carmen Basterretxeak; Auzo Etxeko areto nagusian izango da.
Hitzaldia, martxoaren 17an
Azkeneko ekitaldia martxoaren 17an izango da; hitzaldia baita ere. Derecho para las trabajadoras del hogar da izena, eta Bizkaiko Etxeko langileen elkarteko kideek emango dute. Hitzaldia AMHER- SOS Arrazakeria elkarteak antolatu du eta Biterin izango da, 17:00etatik aurrera.