Ugaldek ekarri du Kutxa Sariako txapela Hernanira

Irati Ugalde eta Maider Sen­per paletari hernaniarrak aurrez aurre izan ziren atzo Kutxa Saria Txapelketako finalean, promozio mailan, eta az­ke­nean Ugaldek lortu du txapela etxeratzea. Bi atzelariak ondo aritu ziren, aldea aurrean nabaritu zen. Ugal­dek An­due­za etxauriarrarekin jokatu zuen eta Senperrek Garmen­dia alegiarrarekin. Bi aurrelariak, asko saiatu arren, txapara, kanpora eta ezin tantoa egin ibili ziren. Erasoan tanto asko galdu ziren. Her­nania­rrei dagokienean, Ugal­de seguru aritu zen, hutsik egin gabe eta Senper gaixorik, eztulka, daukan indarra erakutsi ezinik.

EH Irekian, 30-17 galdu
Amaia Irazustabarrena eta Ariane Arrietak EH Irekia Txapelketako finala jokatu zu­ten larunbatean eta 30-17 gal­du zuten Pradera eta Saezen aurka. Irabazten hasi ziren, baina gorriek segituan pelota aldatu eta hor ibili ziren berdindu, azpitik, irabazten... 12ra berdindu ondoren,  hernaniarrek segidan 7 tanto galdu zituzten, tantoa egitearren. Irabazleek gutxi arriskatu zuten, eutsi hutsa nahiko izan zuten.