Zazpi puntu, buelta emateko

Hernanik urduri eta presiopean jokatu zuen atzo eta ez zuen bere maila ematerik izan. Hala, Cisneros nagusitu zen Igoera Faseko joaneko partiduan: 23-16.
Rafa Larretxeak Kronikari azaldu dioenez, Lehenengo zatian Herna­nik ez zuen ondo jokatu. Madrildarrek gehiago dominatu zuten eta 13-6 iritsi ziren atsedenaldira. Bigarren zatia hasi bezain pronto, Cisne­rosek hiru puntu gehiago lortu zituen zigor kolpe bidez, baina hernaniarrek jokoari buelta ematea lortu zuten, entsaioa eta gauzaketa egitean. Minutu batzuetara, berriz, zigor kolpea eta berdinketa iritsi ziren: 16-16. Partidua hala bukatuko zela zirudien, baina luzapeneko azken minutuan madrildarrek entsaioa eta gauzaketa egitea lortu zituzten, 7 puntuko aldearekin irabaziz.
Hernanik entsaio bat, gauzaketa bat eta hiru zigor kolpe lortu zituen, guztiak Igor Genuak eginak.

Martxoaren 18an, bueltakoa
Errugbi elkarteko kide eta jo­kalariak martxoaren 18ra begira daude dagoeneko. Or­duan jokatuko da bueltako par­­­­tidua Landaren eta zazpi puntu baino gehiagoko aldearekin irabazi beharko du Her­nanik Ohorezko Maila­ra igo­tze­ko. Larretxea­ren esanetan, «Her­nani Cisneros baino gehia­go da eta dakien bezala jokatzen badu, lortuko dugu».