Hernaniko preso eta iheslarien aldeko Mus Txapelketa azkarra antolatu du Herrira Mugimenduak. Apirilaren 21ean jokatuko da arratsaldeko 15:30etan, eta izena emateko epea zabalik dago dagoeneko. Izena emateko zerrendak hainbat lekutan daude eta zerrenda horiek apirilaren 15ean kenduko dituzte. Bikote bakoitzak 20 euro ordaindu behar ditu parte hartu nahi izanez gero. Apuntatzeko zerrendak, honako tokietan: Lizeagan eta Ereñotzuko elkartean, eta Oindi, Aralar, Zumitza, Anboto eta Ekos tabernetan.
Antolatzaileek herritarrei dei egiten diete animatzeko eta parte hartzeko: «Jo ezazu or dagoa preso eta iheslarien alde!».
Otorduak, arkumeak,
txuletak...
Lehenengo 8 bikoteentzat izango dira sariak eta ez dira nolanahiko sariak izango. Lehenengo bikotearentzat: 8 pertsonentzako otordua Oialume sagardotegian eta txapelak. Bigarren bikotearentzat: 4 pertsonentzako otordua Irubide jatetxean. Hirugarrenarentzat: arkumea, gazta eta 2 ardo botila. Laugarrenarentzat: 2 txuleta eta 2 ardo botila. Horrez gain izango dira: mendiko makilak, mendiko potoak, esku pelotak, patxarana...
Sari horiez gain, arratsaldean zehar ere sari sorpresen zozketak egingo dira partaide guztien artean.
Partidak, leku ezberdinetan
Herriko leku ezberdinetan jokatuko dira partidak eta apirilaren 19ko Kronikan argitaratuko da bikote baikotza non hasiko den jokatzen (azken orduko arazorik ez bada).