Endika Barrenetxea erremontista hernaniarra eta Urtasun, Sagardoaren Txapelketatik kanpo geratu dira atzo 40-34 galdu ostean, Endika eta Lizasoren aurka. Atzokoarekin, txapelketako hirugarren partidua galdu zuten. Alternatiba haundiko partidua izan zen eta irabazteko aukera izan zuten, nahiz eta azkenean gorriak nagusitu.
Ezkurra eta Zubiri ia kanpoan Txapelketako beste partidu bat ere jokatu zen atzo eta Ezkurra eta Zubiri ia txapelketatik kanpo daude 37-40 galdu ostean Uterga eta Aizpurua IIaren aurka. Aurrera jarraitzeko, gutxienez, Zeberio eta Zubizarretari irabazi beharko diote partidua.