Hernanin bizi den Iñigo Legorburu errenteriarrak Iparragirre Saria jaso zuen otsailaren 18an, Urretxun, Bertso-paperen atalean. Legorburuz gain, Aitor Albistur errenteriarra ere protagonista izan zen, bien lanak saritu baitzituzten `ex aequo´, hau da, berdinduta. Bi idazleak Xenpelar bertso eskolako kideak dira.
Malenkonia kutsuko amatasunaren gorabeherak
Legorburuk Ai ama! lanari esker lortu zuen sari preziatua. Malenkonia kutsuko amatasunaren gorabeherak kontatzen ditu umorez. Horretarako aukeratutako doinua Xabier Leteren Habanera izan da. Albisturrek Hiltzera kondenatua lanarekin lortu zuen saria. Bertsoak epaitzeko epaile lanetan Zumarraga-Urretxuko bertso eskolako kideak aritu ziren eta bozeramaile lanetan jardun zuen Gorka Azkarateren hitzetan, bi lanen kalitate haundiagatik erabaki zuten saria `ex aequo´ ematea. Legorburuk, aurretik ere jaso izan du Iparragirre Saria.