Iazko tituluari erraz eutsi diote Ojuel eta Gorrotxategik

urteko bigarren zita ga­rran­tzitsuena zuten ostira­lean Paul Ojuel eta Aitor Go­rrotxategik, Euskal Herriko Txapelketako finala baitzuten jokatzekoa, ohorezko mailan. Aurtengo txapelak eta iazko tituluari eustea zuten jokoan, eta lortu dute. Nahiko erraz gainera. Za­ra­maga taldeko Mikel Rafael eta Perez gas­teiztarrei 22-12 irabazi zieten. Hasieran pareko ibili ziren bi aldeak, seina berdindu zuten arte. Handik aurrera, her­naniarrak nagusitu ziren. Serio jokatu zuten, arris­katu gabe eta atzelari arabarrak dexenteko huts egiteak egin zituen. Hernaniarren espe­rien­­tzia nagusitu zen beraz. Izan ere, hirugarren finala zuten hau eta azken biak irabazi egin dituzte. Bestalde, gaur, beste final bat izango da. Ugalde eta Sem­per-ek elkarren aurka jokatuko dute Kutxa Sariako finala.