Udalaren politika feministak eragina izango du hartzen dituen erabaki guztietan

OSTEGUNEAN da Ema­ku­meen Nazioarteko Eguna, eta Hernaniko Udalak, Martxoak 8ko adierazpena onartu zuen Plenoan, mozio gisa; bide batez, berretsi eginzuten gizon eta ema­ku­meen arteko au­kera-ber­din­tasuna lortzeko duten kon­promisoa. Ez zen egun horretan Udalak onartu zuen mozio bakarra izan. PSE-EEk aurkeztuta, ume la­purtuen inguruko mo­zio bat ere onartu zen, aho ba­tez.

«Gizon eta emakumeen arteko harreman eredu berri bat eraiki nahi dugu»
Mozioa Gobernu Taldearen aldeko botuekin onartu zen; EAJ eta H1!ek kontra bozkatu zuten; eta PSE-EE abstenitu egin zen. Azken hauek gai­nera, gogoratu zuten aurre­neko aldia dela, gai honi bu­ruzko adirezpen bat aho ba­tez onartzen ez dena. Mozioan Udalak bul­tza­tuko duen politika feminista ze­­­hazten da. Bertan azaltzen du­­­tenez, emakumeek jasaten du­ten zapalkuntza gizar­tearen egituraren ondorioa da, hau da, antolaketa ekono­miko, po­li­tiko eta ideolo­gikoarena: «pa­triar­katua era­bat errotua dago gure gi­zartean, eta ere­du hori ka­pi­talismoan dago oinarri­tu­ta». Udalean garatu nahi den politika feministari buruz ere hitz egiten da mozioan. Dio­te, politikak integrala izan be­har duela, hau da, ema­ku­mea­­ren bizitzaren arlo guz­tietan izan behar duela era­gi­na: «ema­ku­meen eskubideetan oina­rri­tu­ko da eta beste herri eredu bat eraikitzea izango du helburu. Hau da, gizon eta emaku­meen arteko harreman eredu berri bat eraiki nahi dugu». Emakumeen gidaritza eta partehartzea ere lantzen da mozioan. Adierazi dutenez, politika honen definizioa mugimendu feministekin eta emakume taldeekin egin behar da, «partehartzeak ahalbidetuko baitu politika feminista erreala definitzea». Horrez gain, mozioak dio, martxan jartzen ari diren proiektua oinarri feministetan dagoela oinarritua, eta herrian sortuko dituzten politika guztiek izango dutela ikuspegi feminista kontuan.

Deialdia, parte hartzeko
Azkenik, Udalak dei egin die herritarrei mugimendu femi­nistek deitzen dituzten eki­men guztietara joateko.

EAJk, mozio alternatiboa
Alderdi Jeltzaleak mozio alternatiboa aurkeztu zuen, eta oposizioak alde bozkatu bazuen ere, ez zen onartu Gobernu Taldearen kon­trako botuengatik. Mozioak bost puntu zituen, eta bertan, besteak beste, eskatzen zen: euskal gizartea animatzea Martxoaren 8ko ekitaldietan parte hartzera; herri mailako berdintasun politikak susta­tzea, Udalen eta herritarren arteko zubiak eraikiz; eta euskal gizarteari kon­promezua eskatzea, gizarte demokratiko eta justuago bat eraikitzeko».

Ume lapurtuen kasuan, neurriak hartzea
Ume lapurtuen auzia pil-pilean dago azken urtean, eta Hernanin zortzi familia dira, umea lapurtu zietela uste dutenak. Hori horrela, Her­na­niko Alderdi Sozialis­tak mo­zioa aurkeztu zuen astearteko Plenoan Udalak pausu ba­tzuk eman ditzan, eta aho batez onartu zen. Mozioan azaltzen denez, lapurreta kasu gehienak 50 eta 90 hamarkada bitartean izan ziren, eta dirudienez, bide egonkorrak ere bazeu­den: «bat, Ma­dril-Valentzia zen; eta besteak, iparraldetik egiten zuen lana, hau da, Hego Euskal Herritik, Valen­tziara eta Saguntoko Ama Eskoletara». Sala­tu diren kasuei dagokienean, mozio­ak dio, Gipuzkoa dela Estatu mailan kaltetu gehien ditue­na: «Euskadin 400 kasu baino gehiago baieztatu dituzte, eta Euskadiko Justizia Auzitegi Nagusia 200 ari da tramita­tzen; horietatik 121 kasu Gipuzkoakok dira». Egia jakin eta kaltetuei la­gun­tzen bi elkarte ari dira He­go Euskal Herrian: SOS Be­bes Robados eta Anadir. Mo­zioan azaltzen denez, biek es­katu dute egia jakiteko es­kubidea: «euren desa­ger­tu­en egoe­ra jakin nahi dute, eta instituzioei laguntza eskatu diete». Hori kontuan izanda, mozioak sei puntu ditu: «Bat, Udalak bat egiten du elkarte eta kaltetuekin, eta Instituzioei eskatzen diegu behar diren neurriak eta eu­ren esku daudenak hartzeko. Bi, Udalak Diputazioari es­katzen dio, elkarte eta kal­tetuekin hitzarmen bat si­na­tzeko, hainbat laguntza izan ditzaten: laguntza eko­no­mi­koa, dokumentazioa es­kura­tzerakoan, psikologikoa... Hiru, Udalak erakunde parlamentarioei eskatzen die Ikerketa Batzorde bat egitea. Lau, Udalak ospital pu­bliko eta pribatuen kolabo­razioa eskatzen du, eta baita Eliza katoliko eta Donostiako Apezpikuarena. Bost, Udalak Estatuko Fis­kal Orokorrari eskatzen dio ins­truzio bat agintzea, proze­suak erraztu eta ikerketak egiteko. Sei, Udalak elkarte eta kal­tetuekin kolaboratuko du, ardura, elkartasuna eta hur­bil­tasuna eskainiz».