Emakumearen Nazioarteko Eguna da martxoaren 8an, hau da, datorren ostegunean eta emakumeen eskubideak aldarrikatuz hainbat ekintza antolatu dituzte Hernaniko Txoko Feministak, Kafeta Feministak eta Berdintasun Kontseiluak. Eskubide zapalketari zaplasteko feminista! da leloa. Lehenengo ekitaldia asteartean izango da. Antzerki emanaldia antolatu dute, 19:00etan Biterin. Dohainik izango da eta ordu bat lehenago sarrerak eskuragai izango dira, Biterin bertan.
Como como coco me descoco poco izeneko antzezlana eskainiko dute. Zalantza eta buruhausteen inguruko estriptis mentala egingo dute Quemadura teatro konpainiako Josune Monton eta Laura Lopez aktoreek. «Zenbat pentsamendu pasatzen dira gure burutik segundo batean? Eta ze alderi egiten diogu kaso? Pentsatzen dugunari, sentitzen dugunari edo biei? Agian hainbeste dakien pertsona horrek esaten digunari? Lan honetan biluzten ditugu egunero sortzen zaizkigun eromen, pertsonalitate ezberdin eta kontraesanak», diote.
Ostegunean bertan, berriz, Marijira! egingo dute, 19:30etan Plaza Berritik abiatuta, eta ondoren, triki-bertso-poteo feminista. Martxoaren 17an hitzaldi bat izango da.
Egitaraua:
Martxoak 6: ‘Como como coco me descoco poco’ antzerkia. Quemadura teatro. Biterin, 19:00etan, Berdintasun Kontseiluak antolatuta.
Martxoak 8: Marijira! Plaza Berritik abiatuta 19:30etan. Eta gero... triki-bertso-poteo feminista!
Martxoak 17: ‘Derecho para las trabajadoras del hogar. Cual es la ley que les regula?’ hitzaldia. ATH-ELEko kideak (Bizkaiko Etxeko langileen Elkartea). Biterin, 17:00etan, AMHER-SOS arrazakeriak antolatuta.