Hernaniko bi bikotek Euskal Herriko Txapelketako final bana jokatuko dute, maila gorenean. Eskuz, Ohorezko Mailan, Paul Ojuel eta Aitor Gorrotxategik hirugarren aldiz jarraian jokatuko dute finala. Zaramagako Mikel Rafael eta Perez izango dituzte aurrez aurre. Finala ostiralean jokatuko da, 19:00etan, Galdakaon.
Paletan, Lehenengo Mailan, berriz, Amaia Irazustabarrena eta Ariane Arrietak bigarren aldiz jarraian jokatuko dute finala. Iazko aurkari berak izango dituzte aurrez aurre: Pradera eta Saez. Finala Mallabian jokatuko da.
5 garaipen eta 6 porrot, asteburuan
Asteburuko emaitzei dagokienean, Hernaniko pelotariek 5 garaipen lortu dituzte eta 6 porrot. Aipatzekoa da, infantiletan, Loiarte eta Lazkano azken fasea jokatzeko sailkatu direla eta jubeniletan, trinkete modalitatean, Leonet eta Murgiondo finala jokatzeko sailkatu direla, jardunaldi baten faltan.