Sagar Lasterra herri krosa izango da gaur, sagarra eta sagardoaren ibilbidea eginez. Goizeko 11:00etan abiatuko dira Ibarluze poligonotik, Arraun Elkartetik, eta Kiroldegiraino egingo dute korri (8,9 km); tartean 7 sagardotegi pasako dituzte: Goiko Lastola, Elorrabi, Iparragirre, Altzueta, Otsua-enea, Olaizola eta Itxasburu. Ibarluzera joateko, doako autobus zerbitzua egongo da, Kiroldegitik, 10:10etan eta 10:30etan. Parte hartu nahi dutenek izena emateko aukera izango dute gaur, Kiroldegian. Prezioa: 15 euro. Aldatzeko eta dutxatzeko aukera ere izango da Kiroldegian, doan. Garaikurrak eta zozketak, lasterketa amaitu bezain pronto egingo dira.
Ibilbideak, ia 9km
Lasterketak 8,9 km ditu eta honakoa da ibilbidea: Ibarluze-Lastola-Goiko Lastola- Elorrabi-Iparragirre-Altzueta-Loidi-Otsua-enea-Olaizola-Loidi- Itxasburu-Osiñaga-Portu-Karabel-Landare- Florida-Sagastialde-Antziola-Marieluts-Kiroldegia.