Pakito Lujanbiori babesa, Martutenen

Hernaniko 40 bat lagun izan ziren Martuteneko kar­tze­la aurrean, joan den oste­gunean, Pakito Lujanbiori ba­be­sa ematen. Lujanbiok aste­bete egin du Martuteneko es­petxean, anaiarekin bisabis bat egiteko ekarri baizuten ber­ta­ra. Hernaniko euskal preso politikoari animo oihuak egin zizkioten, eta salatu, aspaldi kartzelatik kanpora egon behar zuela. Pakitok berak eskatuta lortu du bisabisa. Otsailaren 11n Herreratik abiatu eta otsailaren 17an iritsi zen Mar­tutenera, Valdemoro, Burgos eta Langraitzeko espetxeetan pasata. Osti­ra­lean Martute­ne­ra iritsi, eta astearte honetan egin du ordubeteko bisabisa. Atzo, berriro eraman zuten Herrera de la Manchara. Pakitok ia 28 urte dara­maz­ki kartzelan, eta 32 urte Hernanitik kanpo. Ostegunean, espetxe au­rrean hernaniarrek egindako elkarretaratzean, honako ber­tsoa en­tzun ahal izan zen, Nekane Miner hernaniarrak egina:

Hona etorri gera
Hernaniko batzuk
bihotzez Pakitori
bidaltzera muxuk.
Eutsi goiari tinko!
Beti bezala zuk,
nahiz aspaldi behar zenun
gure artean lagun.