Diputazioa prest dago bitartekari lanak egiteko Garayarko langile eta enpresaren artean

Garayar autobus enpre­sa­ko langileek ez dute larunbat gauetako zerbitzurik egingo, gaur hasi eta apirilaren 28ra arte. Greba hori dela eta, eta on­doren sortu den egoeraren au­rrean, Gipuzkoako Dipu­ta­zioak adierazi du, prest da­­goe­la lan gatazka honetan bitar­te­kari lanak egiteko, Ga­rayarko lan­gileen eta enpre­saren ar­tean. Horrez gain, Di­pu­ta­zioak garbi utzi nahi izan du, berez, lan gatazka horrek berarekin zer ikusirik ez duela (zenbait komunikabidek hala azaldu badute ere). «Garayar en­presak Diputazioaren lizen­tzia bat du zerbitzu hori egi­teko, baina ez besterik». Dipu­tazioak dioenez, Ga­ra­yar en­presak aste honetan jakinarazi dio Diputazioari lan­gileek gre­ba egingo du­te­la, eta horrekin batera, enpresak Eusko Jaurlaritzari eskatu dio gu­txieneko zerbi­tzuak emateko. Greba honek herritarrei kalte egingo diela jakinarazi du Diputazioak, zerbitzu pu­bliko bat gutxiago eskaintzen delako. Horre­gatik, harre­ma­netan jarri da enpresa­rekin eta langileekin, garraio publikoa ziurtatu asmoz. Bi al­deek ego­ki ikusten badute, Diputa­zioak bitartekari lanak egingo lituzke, beraz.