250 haritz eta 250 urki... etorkizuneko basoa

Etorkizunean, baso berri bat izango du Hernanik, Itu­rriandieta sailean, Epelerre­kan. Hernaniko gazte eta helduek 500 haritz eta urki sartuko dituzte gaur bertan, Zuhaitz Eguna baita gaur, urteroko zita garrantzitsua. Helduak oinez joango dira, Gudarien plazatik goi­zeko 08:00etan abiatuta. Gaz­teak berriz, au­to­busean ingu­ratuko dituzte Larre-Gainera, 09:00etan El­ka­no kaletik abiatuta. Ereño­tzu­ko koadri­la ere hantxe izango da urtero bezala. De­nak batera, atxu­rrak hartu, eta 10:30ak aldera hasiko dira landare-gazteak sartzen. On­doren, hamaike­ta­ko ederra dute zai Ereño­tzun, eta 13:00­ak inguruan, buel­tako au­tobusa.

39 urte bete dira aurten, Zuhaitz Eguna egiten dela
Dagoe­neko 39 aldiz egin da Zuhaitz Eguna. Bere garaian, Joxe Legarreta ereñotzuarra eta Hernaniko beste hainbat kide hasi ziren egun hau antolatzen, eta geroztik, ma­kina bat zuhaitz landatu di­tuzte hernaniarrek. Joxe Le­ga­rreta ereñotzuarra orain dela 26 urte hil zen, eta ordutik, haren omenez egiten dute, Zuhaitz Eguna, urtero.