1987an Jai Batzordeak erabaki zuen Inauterietako festak egun bat luzatzea, ume eta gaztetxoentzako ekitaldiekin. Hala, egun horretarako proposatu ziren buruhaundiak, jolasak... eta Hernanin hain estimatua den Axeri Dantza. Ikastetxe gutxi ziren garai hartan jai egiten zutenak, eta Langile ikastolarekin jarri ziren harremanetan; ikasle koskortuenei proposatu zieten sokan aritzea. 25 urte pasa dira ordutik, eta gaurko eguna berazia izango da bi arrazoiengatik: batetik, urteurrena delako; eta bestetik, azkeneko urtea izango dutelako Langileko ikasleek. Fusioa medio, Institutuko ikasleak izango dira datozen urteetan, maskuriak astintzeaz arduratuko direnak.
Antolatzaileek eskerrik beroenak eman nahi dizkiete parte hartu duten ehundaka gazte horiei, eta baita taldea osatzen eta trebatzen aritu diren Langileko irakasleei.
Festak, jarraipena
Axeri Dantza goizeko 10:00etan izango da. Eguneko gainerako ekitaldiak: poni eta zezenak Latsunben; tailerrak eta emanaldia Atsegindegin; eta erraldoi eta buruhaundiak.
09:00 Diana
10:00 Axeri Dantza.
11:30 Haurrentzat poniak eta zezenak.
12:00 Haurrentzat tailer afrikarrak Atsegindegin
16:00 Erraldoi eta buruhaundien konpartsa Kriskitiña dantza taldearekin eta dultzaineroekin.
17:00 Haurrentzat emanaldia