Jon Ansorena txistulari hernaniarra eta `Deriva Errant´ entzuteko aukera, ostiralean

Herri-musika tresnak izan­go dira protagonista Her­nani’n Musik ekimenaren barruan antolatu den hu­rrengo kontzertuan. Kata­luniatik etorritako Deriva Errant taldea eta Jon An­sorena txistulari herna­niarra entzuteko aukera izan­go da. Datorren ostir­alean izan­go da zita, arra­tsaldeko 20:00­etan Biteri Kul­tur Etxean. Sarrerak astelehe­nean jarriko dira salgai, 7 euroan.

Gralla eta txistua, bi herri-musika tresna
Ostiraleko kontzertuan Ka­ta­luniako eta Euskal Herriko bi herri-musikatresna en­tzuteko aukera izango da. Batetik, Jordi Mestres eta Pere Olivé bikoteak osa­tutako Deriva Errant taldea arituko da. Kataluniako mu­sika tra­dizionalari lotu­tako gralla mu­sikatresna eza­gutzeko aukera eskai­niko dute, perkusioare­kin lotuta. Gralla, mihi-bikoi­tzeko tres­na da, oboeen fami­lia­koa, eta beraz, Euskal He­rriko dultzainaren fami­liakoa. Deriva Errant bikotea osatzen duten bi musikariek, goi mailako musika ikas­ketak dituzte, eta Kata­luniako Goi Mailako Musika Eskolan sortu zuten proiek­tua, 2007. urtean. Bikote kataluniarraren au­rretik berriz, Jon An­sorena txistulari herna­niarrak pieza batzuk eskai­niko ditu. Jon Ansorenak Hernani Musika Eskola Publikoan hasi zituen txistu ikasketak, Iñaki Eguren irakasle zuela. Ondoren, Donostiako Fran­­cisco Escudero Kontser­batorioan egin zituen erdi mailako ikasketak, Kepa de Miguel irakaslearen gidari­tza­pean. Egun, Musikenen ari da goi mailako txistu ikas­ketak egiten. Aitor Amilibia irakaslea lagun izango du, ostiralean es­kainiko duen kontzertuan.

Maila haundiko emanaldia
Txistua eta gralla, Europako goi mailako musika ikas­keten planean sartuta dau­den herri-musika tres­nak dira. Ostiralean joko duten musikariak ere goi maila­koak izanik, maila haun­di­koa izango da emanaldia.