Festarako nahikoa aitzakia badago gaurkoan ere. Goizean goizeko nagiak ateratzeko axeri dantza izango da, eta segidan, Betikoak txaranga aterako da. Musika egun osoan izango da protagonista, Pasaiako Alkarkide txaranga ere ibiliko baita kaleetan zehar, eta arratsaldean erromeria izango da Plaza Berrin. Gaueko ordu txikietan berriz, Betikoak txarangak dantzaraziko du berriro jendea. Haur eta gaztetxoek ere izango dute zerekin gozatu. Izan ere, goizean poni eta zezen txikiak izango dira Latsunbe auzoko kirol pistan. Eguerdian, erraldoi eta buruhaundien konpartsa aterako da. Arratsaldean berriz, ‘Dj Thobben eta Lore Power’ ikuskizunaz gozatzeko aukera izango dute, eta segidan, mozorro festa izango da.
Gazte Asanbladarekin, desfilea
Herriko gazteek ere hainbat ekintza antolatu dute gaurko, eta herritar guztiak animatu nahi dituzte parte hartzera. Goizetik ekingo diote trikipoteoari eta karrozen desfileari. Segidan, Tilosetan erakutsiko dituzte mozorroak, eta ondoren, Kontrakantxan bazkalduko dute. Karroza eta mozorro onenen sariak ere banatuko dituzte.
Goizuetan, kaldereroak gaur
Goizuetan, kaldereroak izango dira gaur, jarraian ospatuko dituzten Inauterien iragarle. Iaz antolatu zituzten lehenengo aldiz kaldereroak izandako erantzuna ikusita, berriz antolatu dituzte aurten ere. Goizuetako Inauteriak, Hernanin bezala, asteartera arte luzatuko dira.
18 larunbata
10:00 Axeri dantza.
11:30 Betikoak txaranga.
11:30 Haurrentzat poniak eta zezen txikiak Latsunbe auzoko kirol pistan.
12:00 Alkarkide txarangaren irteera. San Joan Konpartsa.
13:00 Erraldoi eta buruhaundien konpartsa Kriskitiña dantza taldearekin.
17:00 Haurrentzat emanaldia: ‘Dj Thobben eta Lore Power’ Atsegindegi plazan.
18:00 Betikoak txarangaren irteera.
18:00 Mozorro festa gaztetxoentzat Atsegindegi plazan.
18:30 Erromeria Alkarkide txarangarekin Plaza Berrin.
00:00 Betikoak txaranga.
Gazte Asanblada
11:30 Trikipoteoa karrozekin Zinkoeneatik aterata. Segidan desfilea Tilosetan.
14;30 Bazkaria Kontrakantxan eta sari banaketa. Ondoren kalejira.
Goizueta
18:00 Kaldererok. Ondoren afaria plazan.