Joan den urteko emaitza onei esker, Hernanik gaur jokatuko du Berria Txapelketako aurreneko partidua. Final zortzirenetan dira, eta Hernanik etxean hartuko du, Azkoitiako Oteiza taldea. Urteko txapelketarik garrantzitsuenetakoa da Berria, eta Pelota Elkartetik herritarrak animatu nahi dituzte gaur, 21:00etan, partidua ikustera.
Hernani faborito,
hiru partiduetan
Final laurdenetako pasea lortzeko arazo haundiegirik ez luke izan behar gaur Hernanik, jokatuko diren hiru partiduetan irabazteko faboritoa baita.
Kadete mailan, bikote sendoa du aurten Hernanik, Gipuzkoako azpitxapeldunak diren Asier Artega eta Mikel Arangurenek jokatzen baitute. Azkoitiako bikotea, Unanue eta Lasa, ez dira irabazteko errazak, baina hernaniarrak dira faborito.
Jubeniletan, Iñigo Urkizu eta Aritz Murgiondok osatzen dute Hernaniko bikotea, eta egun, Gipuzkoako onenetakoak dira. Beraz, Alberdi eta Juaristiri irabazteko faborito garbiak dira.
Azkenik, seniorretan, bi taldeek dituzte baja garrantzitsuak. Hernaniko Ojuel, Gorrotxategi eta Arrietak ezingo dute gaurko partidua jokatu; eta ezta ere Azkoitiako atzelari onenak, Iparragirrek. Esnal eta Aizpitarte izango dira Hernaniko ordezkariak, eta Andueza eta Zendoia Azkoitiakoak. Hortaz, partidua oso berdindua izatea espero da, nahiz eta bikote hernanirrak irabazteko aukera gehiago izan dezakeen.