Adinekoei nola kontsumitu erakusteko, hitzaldiak, tailerrak eta irteera, datorren astean

zein arrisku sor ditzake ondo ez kontsumitzeak? Zein­tzuk dira zerbait erosterakoan ditugun eskubideak? Galdera horiei erantzuteko arazorik ez dute izango datorren asteko jardunaldietan parte hartzen duten adineko pertsonek. Ongintzak eta Goiz Eguzkik antolatu dituzte elkarlanean, Kontsumoko Euskal Institu­tuarekin batera. Helburua da, adineko pertsonei nola kon­tsumitu erakustea.

Bi hitzaldi eta bi tailer, teoria eta praktika lantzeko
Jardunaldiak lau egunekoak izango dira, otsailaren 20tik 24ra, eta Goiz Eguzkiko egoitzan izango dira: bi hi­tzaldi, bi tailer eta irteera.
Antolatu dituzten bi hi­tzaldi eta tailerrek zerikusi zuzena dute elkarrekin, alde teoriko eta praktikoa lantzeko aukera eman nahi baitute.
Bidaiarien eskubideak zeintzuk diren azalduko du Lidia Barrio abokatuak au­rre­neko hitzaldian. Otsaila­ren 20an izango da, 17:00­etan. Hi­laren 21ean berriz, gai honen inguruko tailer prak­tikoa egingo dute, ordu berean, Begoña Olabarrieta­rekin.
Bigarren hitzaldian hitz egingo dute ohiko salmenta den­detatik kanpo erosten diren produktuez, hau da, internet, telebista edo beste lekuren batetik erosten direnei buruz. Horrez gain, mirari produktuez ere ariko dira, hala nola, argaltzeko pilulak, zimurrak kentzeko kremak... Hitzaldia Maddalen Rivasek emango du, eta otsailaren 22an izango da, 17:00etan. Bi gai hauei buruzko tailer praktikoa berriz, hurrengo egunean izan­go da, hilaren 23an, 17:00­etan eta Begoña Olabarrietak emango du, baita ere.

Cristina Eneara, irteera
Azkenik, Cristina Enea Fun­daziora joango dira, jardunaldiko azkeneko egunean, hilaren 24an. Goizeko 10:00­etan aterako dira eta 50 per­tsonentzako lekua dago.