Sorosle eta Lehen Sorospen ikastaroa emango du Gipuzkoako DYAk Hernanin, eta ikastaroa gaur hasiko da. Ikastaroa hiru astekoa da, hau da, martxoaren 6an bukatuko da. Astelehenetik ostiralera izango dira saioak, arratsaldeko 19:00etatik 21:00etara, Sandiusterri kaleko Inmakulada ikastetxean. Ikastaroa irekia da eta edozeinek eman dezake izena. Izena emateko eta informazio gehiagorako: 943 46 46 22. Matrikula: 100 euro.
Ikastaroan irakatsiko da, egunerokotasunean aurkitu daitezkeen arrisku egoerei nola erantzun: bihotz eta birika susperketa, zauriak nola sendatu, hausdurak, erredurak... Azaldu dutenez, «ezagupen oso arruntak, baina laguntza haundia eman dezaketenak. Eta oso modu eroso eta atseginean erakusten dira, teoria eta praktika landuz».
Sorosle Tituloa eta EHUrako 2 kreditu
Ikastaro amaierako frogak gainditzen dituenak, Gipuzkoako DYAk eskaintzen duen Sorosle Tituloa eskuratzeko aukera izango du. Eta horrez gain, EHUrako 2 kreditu lortzeko aukera ere izango du.