Doneztebeko Erreka taldea eta Amurrio taldea aurrez aurre izango dira gaur, Hernanin, Berria Txapelketako final zortzirenetako kanporaketan. Norgehiagoka interesgarriak espero dira eta nafarrak faborito dira. Partiduak 11:00etatik aurrera jokatuko dira kiroldegiko frontoian.
Kadeteetan, pelotari arabar onena eta etorkizun haundiko aurrelari nafarra
Kadeteetan, Bakaikoa eta Medina nafarrek, Arregi eta Saratxaga arabarren aurka jokatuko dute. Azpimarratzekoa da, Arregi, Arabako pelotaririk onena dela kadete mailan, eta Bakaikoa etorkizun haundiko aurrelari nafarra dela.
Jubeniletan, Doneztebeko atzelaria, onentsuenetakoa
Jubeniletan, Doneztebeko Elizalde eta Lasa, Amurrioko Goikolea eta Urretxuren aurka neurtuko dira. Azpimarratzekoak dira Lasaren presentzia, kategoriako atzelaririk onentsuenetakoa dena, eta Goikolearena, dudarik gabe arabako aurrelaririk onena dena bere mailan.
Seniorretan, profesionaletan ibilitako bi atzelari
Seniorretan, Doneztebeko Bendoiro eta Gorriti, eta Amurrioko Gerrero eta Iriarte izango dira aurrez aurre. Bertan, Frontis eta Garfe enpresa profesionaletan jokatu duten bi atzelari lehiatuko dira. Bendoiro ere, etorkizun haundiko pelotari gaztea da.