Adarraga memoriala jokatuko da bihar eguerdian Landaren, adin guztietako atletak elkartuko dituena. Txapelketak bi zati izango ditu: batetik, Gipuzkoako Eskolarteko Txapelketa; eta bestetik, Kros Labur txapelketa.
Kros laburra,
hiru lasterketetan
Kros Labur txapelketa hiru lasterketetan jokatuko da. Lehendabizi, neska kadete, jubenil eta juniorrek jokatuko dute (2.350 metro), 10:00etan hasita. Ondoren, 10:20etan, mutil kadete, jubenil eta juniorren txanda izango da (3.000m). Azkenik, promesen txanda, 12:00etan izango da. Bertan, atleta senior eta beteranoek hartuko dute parte (3.000m), eguerdiko 12:00etan.
Eskolarteko txapelketa, Gipuzkoako ume eta
gaztetxoak
Gipuzkoako eskola ezberdinetako ume eta gaztetxoek hartuko dute parte Eskolarteko Txapelketan. Aurrenekoak alebinak izango dira (1.882m), 10:40etan. Segidan, 11:00etan hasita, alebin mutilen turnoa izango da (2.350m). Ondoren, infantil neskek hartuko dute parte (2.350m), 11:20etan. Eta azkenak infantil mutilak izango dira (2.350m), 11:40etatik aurrera.
Sagar Lasterran
parte hartzeko, izen-ematea
Sagar Lasterra herri krosa jokatuko da otsailaren 25ean, eta parte hartu nahi duten guztiek zabalik dute izena emateko epea. www.kirolprobak.com helbidean eman behar da.