Urtero bezala, Inauteriei aurre hartuta, Iñude eta artzaien konpartsa aterako da Hernanin. Igandean izango da eta Urumea ikastolako 170 neska-mutilek egingo dute kale buelta, eguerdiko 12:00etatik aurrera. Hemeretzigarren edizioa izango da aurtengoa, eta orain arte bezala, herritar ugari erakartzea espero dute.
Konpartsa Gay Murretik aterako da, eta buelta ondorengoa izango da: Sandiusterri, Elkano, Gudarien plaza, Kardaberaz, Plaza Berri, Kale Nagusia, Zinkoenea, Txirrita, Izpizua, Urbieta, Kale Nagusia, Gudarien Plaza, Sandiusterri eta Gay Mur.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!