hernaniko Musika Bandak bi kontzertu eskainiko ditu otsailean, Hernanin. Aurrenekoa asteburu honetan bertan izango da, igandean; eta bestea, berezia izango dena, hilaren 26an.
Tolosako Inauteriak iragartzeko, kontzertua
Datorren astean hasiko dira Inauteriak Euskal Herriko herri gehienetan: Tolosan ostegunean, eta ostiralean Hernanin. Biei aurre hartuta, Tolosako Inauterietako kontzertua eskainiko du Musika Bandak igandean, Udaleko arkupetan. Ohiko moduan, Cipri Otxandorena izango dute zuzendari, eta hamasei abesti eskainiko dituzte: Diana, Iriyarena, Pello ziri ziri, Baratzako pikuak, Galtzaundi, Pastelero, Farol dantza, Paquita la Vergaresa, Isabelita, Habanera, Contrapas, Polka, Praskuarena, Habanera, Jota eta Irureta.
Joxe Mari Oiartzabalek, batutaren ardura
Kontzertu «oso berezia» eskainiko du Hernaniko Musika Bandak hilaren 26an, hala jakinarazi dute Kronikara bidalitako oharrean. Joxe Mari Oiartzabalek hartuko du batutaren ardura, aski ezaguna den musikari euskaldunak. Zazpi abesti eskainiko dituzte, Milagrosako kaperan: Aterpetxea, La isla de las perlas, El barbero de Sevilla, Tribute to Louis Amstrong, Calypso, Waltz nº2 eta Ordizia. Oiartzabal andoaindarra da, eta Musika ikasketak Donostiako Goi Mailako musika kontserbatorioan egin zituen. Bertan, tronpeta irakasle aritua da, eta tronpeta katedra postua era badu. Horrez gain, Kontserbatorioko Banda Sinfonikoko irakaslea ere bada. EITBn askotan egin ditu zuzendari lanak, eta hainbat grabaketa ere baditu: Donostiako martxakoak, Inauterietakoak...