Hernaniko ikastetxeetan matrikulatzeko, ostirala da azken eguna

Datorren ikasturteko aurre­matrikulazio epea ostiralean bukatuko da, beraz, se­me-alabak Hernaniko ikas­te­txeren batera eraman nahi izanez gero, hiru egun gera­tzen dira ikastetxe bat edo beste aukeratzeko. Izan ere, Haur Hez­kuntza (2-6 urte) eta Lehen Hezkuntza (6-12 urte) egiteko, bost ikastetxe daude aukeran: Elizatxo, Uru­mea, Langile, Inma­kula­da eta Txi­rri­ta. Derri­go­rrez­ko Biga­rren Hezkuntza (12-16 urte) egiteko berriz, bi: Inmakulada eta Hernani Insti­tutua. Denera, 1996tik 2010era bitartean jaiotako 2.919 hernaniar daude matrikula egitera deituta. Ikasturte honetan, 2.752 hernaniar ari dira herriko ikastetxeetan ikasten.

Fusioa, osotasunean
DBHn, Hernaniko ikastetxeen arteko fusioa ematen ari dela eta, Santa Barbara eraikineko zuzendaritzako kideek Kro­ni­kari azaldu diote oraindik ohi­tzeko fasean daudela, el­kar­­lanean. Dena dela, orain artekoaren balorazioa oso po­sitiboa izan dela nabarmendu dute: «Guraso eta ikasleak oso gustora daude; batez ere, ikasleak». Badakite lan as­ko geratzen dela oraindik, tal­de osoa sartu ez delako. Eta datorren ikasturtea izango da kla­bea, fusio osoa emango baita. Fu­sioaz hitz egiten bada ere, zuzendaritzako kideek nahiago du­te in­te­grazioaz hitz egin: «hala izan da, Hernani Institutuan eman den integrazioa izan da».

Bi erronka: hezkuntza proiektua eta eraikina
Datozen urteetan, hau da, epe motzean dituzten erronkak, bi dira: hezkuntza proiek­tua zehaz­tea, izan ere, hiru hezkuntza proiektu ba­tu dira fu­sioaren eraginez; eta eraikinarekin duten arazoa konpon­tzea. Berez, Eus­ko Jaurlaritzak orain 2 urte agindu zuen 2013-2014rako eraikina egina egongo dela, baina alde guztiek diote ez dela posible izango.

Kalitatezko eskaintza eta abantaila ugari
Guraso askok eramaten di­tuz­te euren seme-alabak he­rri­tik kanpo ikastera eta Uda­lak Her­­nanin ikasteak dituen abantailen berri eman du, kalitatezko eskaintza da­goela azpimarratzeaz gain: «Mer­kea­goa da, oinez edo bi­zikletaz joateko aukera da­go; erosoagoa da; seme-alaben heziketa gertutik segitu daiteke; seme-alabek herrian lagunarte zabala izateko aukera dute; herriarentzako aberasgarria da...».

Horri lotuta, datu positiboak aipatu dituzte. Azaldu dute, fusioa eman denetik, ikasle gutxiagok egiten duela alde Batxilergoan: «Ikasle gehiago matrikulatzen da Institutuan, orain».

Matrikulatu daitezkeen ume eta gazteak