Urrutiak agur esan dio erremonteari

Garaipenarekin esan zion larunbat arratsean Miguel Mari Urrutiak agur, erremonteari. Zeberiorekin jokatu zuen, eta 27-40 irabazi zu­ten, Ezkurra eta San Miguelen kontra. Partidua bukatuta, Oria­mendi enpresak eta erremontistek omenaldi hunkingarria egin zioten, eta ikusleek txalo artean agurtu zuten. Oskar Urrutia anaiak erloju bat oparitu zion, erremontista guztien izenean, eta Oriamen­diko gerentea den Francis Sistiagak lientzo bat eman zion, joan den asteburuan anaiarekin jokatu zuen partidukoa. Aldagelara bi­dea, gainerako erromontistek egindako arkuaren azpitik egin zuen.