Denboraldiak aurrera egin ahala, partiduak irabazteko beharra hil ala bizikoa da Hernaniko bi taldeentzat. Biek gaur izango dute partidua, etxetik kanpo.
Hernani, Gernikaren kontra
Entrenatzaile berriak on egin zion Hernaniri jon den astean, eta aspalditik helburu izandako garaipena lortu zuten. Gaurkoan, garaipen horrek emandako konfiantza lagun izango dute, aurkari zaila bezain gogorra izango baitute aurrean. Gernikaren kontra jokatuko dute, bigarren sailkatuaren aurka, etxetik kanpo. Urbieta zelaian izango da neurketa, arratsaldeko 17:00etan hasita.
Hernani eta Beasain, aurkari
Emakumezkoen Ligako taldea igoera fasea ari da jokatzen, eta gaur, irabaziz gero, sailkapenean gora egiteko aukera izango du. Beasain aurkari zuzena izango du aurrean, sailkapenean, puntu batera duena: Hernani 6garren da, eta Beasain 4garren. Partidua Igartza zelaian jokatuko da, arratsaldeko 16:00etatik aurrera.