Lehentasuna, dirua mantentzea, Gizarte Zerbitzu eta Politika Sozialean, Hezkuntza eta Enpleguan, eta Euskeran

Udalak aurten, aurreikusi baino diru gutxiago jasoko du Diputaziotik eta diru­la­guntzetatik, eta horrek bal­din­tzatuko ditu 2012ko Aurre­kontuak. Murrizketen aurrean, Gobernu Taldeak adierazi du, lehentasunak direla, diru partidak manten­tzea Gizarte Zerbitzu eta Politika Sozialean, Hezkun­tza eta Enpleguan, eta Euska­ran. «Gaur egungo egoera ekonomikoaren aurrean, po­li­tika sozialak, haurren hezi­ke­ta eta helduen formakun­tzak inoiz baino garrantzia haundiagoa duela uste du­gu». Horrez gain, aipamen berezia egin diote langabezi egoerari, irtenbideak bilatzen laguntzen duen Udalaren Orientazio Zerbitzuari.  

Inbertsioei dagokienean, horretarako dirua egungo azpie­giturak mantentzeko erabiliko da, batez ere. Zati­rik garrantzitsuena Kirolde­gi­ko estalki bat aldatzeko izango da (312.000 euro). Eta aurrekontue­tan sartzen dira, baita ere, Biteriko zinemako proiekto­rea aldatzea (85.000 euro) eta liburutegiko funts bibliografikoa berritzea (40.000 euro). Horrez gain, Ongintzako 5 etxebizitza tutelatuak ekipa­tze­ko diru partida bat ere aurreikusten da: 81.750 euro.

2012ko Udal Aurrekon­tuak asteartean onartu zituen Ple­no­ak, Gobernu Taldearen al­de­ko botoekin. Oposizioko al­der­di­ek (PSE-EE, EAJ-PNV eta H1!) kontra bozkatu zuten eta Oso­ko Zuzenketak aurkez­tu zi­­tuz­ten, alderdi bakoitzak berea.

Luis Intxauspe alkateak, Aurre­kon­tuak aurkeztera­ko­an azaldu zuen, diru sarrerak nabarmen jaitsiko direla aur­ten, 2011 urtearekin kon­pa­ratuta. «PSE alderdiak go­ber­natzen duen Eusko Jaurla­ritzatik murriz­ke­tak izaten ari gara dirula­guntzetan, Udal Euskaltegia eta Musika Eskola bezalako zerbitzuak finantzia­tzeko. 2012ko Fondo Foralari dago­kio­nez, aurrei­kus­ten den diru sarrera, 2011 urtean baino 275.000 euro gutxiago da, Finantzen Eus­kal Kontsei­luak egindako aurrei­kus­­pe­netan oinarri­tuta».

Zerga zuzenei dagokie­ne­an, orokorrean, %3ko egune­ra­keta aplikatuko dela azaldu zuen Intxauspek eta poten­tzia fiskal haundiko ibilgai­luen ka­suan, %10eko igoerak arte apli­katuko dituztela, gradualki. Tasei dagokienez, %3ko igoera aplikatuko da ia orokorrean.

Hondakin bilketari lotuta, Atez Atekoaren aldeko apus­tua argi utzi du berriz ere Gobernu Taldeak, «hondakin bilketarako sistema eraginko­rre­na delako, beste sistema ba­tzuen antzeko kosteekin, eta ingurugiroarekin dugun kon­pro­misoarekin bat egiten du­gu­lako horrela». Hon­daki­nen kudeaketarako 1.850.000 euro aurreikusten ditu Uda­lak. In­txaus­pek azaldu­ta­koa­ren ara­be­ra, horietatik, milioi bat euro eta erdi inguru, Gar­bitania enpresarako da, hau da, egu­ne­roko bilketa zerbi­tzu­rako, eta 100.000 euro Atez Atekoa­re­kin lotutako kanpai­netara­ko, ibai ondoko aisi-guneak egokitzeko, antzeko zerbi­tzuetarako eta azken momen­tuko ustekabee­ta­ra­ko. Horrez gain, 217.000 euro Sanmarko Mankomuni­ta­teari ordaintzen zaio, gaine­rako herriek bezala. Dena dela, Intxaus­pek azaldu du ez dela kostu erreala, hondakine­tatik diru sarrerak ere lortzen dituelako Hernanik: 813.235 euro, hain zuzen.

Udalak Ongintzako etxebizi­tza tutelatuak ekipatzea aurrei­­kusten du, baina badira Udalarenak ez diren hainbat konpetentzia Ongintzari lo­tu­ta. Horiek Diputazioari da­gozkio eta Udala hori lor­tzeko harre­manetan dago be­rarekin.

Pertsonal gastuei dagokie­nean, Intxauspek azaldu zuen Go­ber­nu Taldearen, eta orokorre­an, Bilduren apustua dela En­ple­gu Publikoaren alde egitea. Hori horrela, langileen solda­tak igo­tzea aurreikusten dute Rajoyen dekretuak hori onar­tzen ez ba­du ere. Bi arrazoi na­gu­si eman zituen: «Alde bate­tik, fa­milien erosteko ahalmena man­tentzea beharrezkoa dela ikus­ten dugu, honela, kon­tsu­moa sustatuz, ekonomia akti­ba­tzen laguntzen baita. Eta bestetik, sektore publi­koak eredu izan behar du, sektore pribatuaren aurrean, langileen baldintzak ziurta­tuz».

Pertsonal gastuetan, 2011 urtearekin konparatuta aur­ten­­go aurrekontuetan da­goen igoe­ra, sodaten igoeragatik dela azaldu zuen alkateak, alde batetik. «Eta bestetik, hezkun­tza eta enpleguan aurreikusi den esfortzu haundiagoa, bi ikasta­ro berri eta Udaltzain­goa­ren 6 plazen oposaketen ondorioz sortzen den formazio epea». Pertsonal gastuetarako, 11.950.954 euro aurreikusten dira. yy