ION Areitio da trialsineko munduko txapelduna, eta hala erakutsi zuen igandean Fagollagan, Gipuzkoako txapelketako aurreneko frogan. Aurkari nagusia, Benito Ros, ez zen bertan izan, eta Areitiok alde nabarmenarekin irabazi zuen, Elite mailan. 10 punturekin gailendu zen , Iker Lezeta bigarren sailkatuak baino 20 gutxiagorekin; hirugarrena, Gorka Susperregi izan zen, 43 punturekin. Emakumeetan, Irene Caminosek bakarrik hartu zuen parte, eta 70 puntuko emaitzarekin bukatu zuen proba.
Gainontzeko mailei dagokienean, hurrenez hurren, irabazleak hauek izan ziren: seniorretan, Sergio Fernandez, 26 punturekin; infantiletan, Daniel Augusto 48 punturekin; alebinetan, Iker Rodriguez, 13 punturekin; eta Benjaminetan, Haimar Etxeberria, 49 punturekin.